გაცვლითი პროგრამები
ამერიკული საერთაშორისო სკოლა პროგრესი წლებია აქტიურად თანამშრომლობს მსოფლიოს საგანმანათლებლო ბაზარზე წარმატებით მოღვაწე საერთაშორისო აკრედიტაციის მქონე უნივერსიტეტებთან და ინსტიტუტებთან. გაფორმებული აქვს მემორანდუმები, საერთაშორისო, ადგილობრივ საგანმანათლებლო ორგანიზაციებთან და ინსტიტუტებთან. ჩვენს მოსწავლეებს, პროგრამის ფარგლებში სხვა ქვეყნის კულტურის გაცნობის, გამოცდილების მიღებისა და უცხო ენის გაუმჯობესების შესაძლებლობა ეძლევა.
გაცვლითი პროგრამა გერმანიაში - ყოველწლიურად მოსწავლეები მენტორთან ერთად გერმიანიას სტუმრობენ. პროგრამის ფარგლებში გერმანული ენის ინტენსიურ კურსს გადიან, ხვდებიან გერმანელ თანატოლებს სხვადასხვა სკოლასა და უნივერსიტეტში. გარდა ამისა, ვიზიტის ფარგლებში მოსწავლეები გერმანიის ქალაქებს (ბოხუმი, დიუსელდორფი, დორტმუნდი, ალტენა, მიუნსტერი) ათვალიერებენ. სასწავლო კურსის პარალელურად ისეთ ცნობილ სანახაობრივ ადგილებს სტუმრობენ, როგორებიცაა: ბოხუმის რურის უნივერსიტეტი, რომელიც გერმანიის 10 საუკეთესო უნივერსიტეტს შორისაა, ალტენას ციხესიმაგრე, დორტმუნდის ფეხბურთის მუზეუმი, დორტმუნდის ტექნიკური უნივერსიტეტი, DASA-ს მუზეუმი (მსოფლიო გამოფენა ტექნოლოგიური მიღწევების შესახებ), ბოხუმის ზოოპარკი. პროექტი გერმანიის ქალაქ ბოხუმის ინტერკულტურული ენისა და კულტურის გაერთიანებასთან თანამშრომლობით ხორციელდება.
დიპლომატიური სასწავლო ვიზიტით პროგრესელები ბრიუსელსა და ჰააგაში მიემგზავრებიან. ჩვენი მოსწავლეები ევროპაში ცნობილ ორგანიზაციებს სტუმრობენ: ევროპის პარლამენტი (ბრიუსელი), ევროკავშირის საბჭო (ბრიუსელი), ევროკომისია (ბრიუსელი), ნატოს შტაბ-ბინა (ბრიუსელი), ევროკავშირის საგარეო ქმედებათა სამსახური (ბრიუსელი), ევროპის ისტორიის მუზეუმი (ბრიუსელი), სისხლის სამართლის საერთაშორისო სასამართლო (ჰააგა), ნიდერლანდების პარლამენტი (ჰააგა). ევროპული დიპლომატიის პროგრამაში მონაწილეობა მხოლოდ პროგრესის მოსწავლეებს შეუძლიათ.
დიდ ბრიტანეთში ინგლისური ენის საზაფხულო პროგრამის ფარგლებში, 13-17 წლის მოზარდებს ეძლევათ დიდ ბრიტანეთში სწავლისა და ცხოვრების შესაძლებლობა. პროგრესელები ორი კვირის განმავლობაში ინგლისური ენის ინტენსიურ კურსს გადიან, ცხოვრობენ საუნივერსიტეტო კამპუსში და ინგლისის ღირსშესანიშნაობებს ათვალიერებენ. მოსწავლეებს პროგრესის კვალიფიციური ლიდერები ხელმძღვანელობენ.
პროგრამა მოიცავს:
- ტრანსფერს აეროპორტიდან საუნვერსიტეტო კამპუსამდე და უკან;
- სწავლის ღირებულებასა და სასწავლო მასალებს;
- ლონდონში ცხოვრებასა და სამჯერად კვებას;
- ლონდონის შიდა ტრანსპორტირების აბონიმენტს;
- ექსკურსიებს;
- სპორტულ აქტივობებს;
- ხელმძღვანელი პირების თანხლებას;
- სიმ ბარათს;
- პროგრამაში მონაწილეობის დამადასტურებელ სერტიფიკატს.
პროგრამაში მონაწილეობა შეუძლია როგორც პროგრესის, ასევე, სხვა კერძო და საჯარო სკოლის მოსწავლეებს.
პროგრესში 2024 წლიდან ახალი პროექტი დაიწყო, რომელიც ევროპის 3 ქვეყანაში მოგზაურობასა და ინგლისური ენის ცოდნის დონის გაუმჯობესებას მოიცავს. პრაღის საზაფხულო სკოლა 13-18 წლის მოსწავლეებს სთავაზობს ინგლისური ენის გაკვეთილებს (Native Speaker მასწავლებლები), ლექციას ჩეხეთში სწავლასთან დაკავშირებით, ვიზიტებს ჩეხეთის საუკეთესო უნივერსიტეტებში, გასართობ/შემეცნებით პროგრამას, ვიზიტს დრეზდენსა და უნიკალურ ხელოვნურ კუნძულზე (Tropical Islands), სადაც მსოფლიოში ყველაზე დიდ აკვაპარკია, ხელოვნური ზღვა, ქვიშის სანაპიროები, პალმები, ფლამინგოები.
2022-2023 სასწავლო წლიდან პროგრესში ფუნქციონირება დაიწყო გაეროს მოდელირების კლუბმა. კლუბის ფარგლებში პროგრესელები აქტიურად იღებენ მონაწილეობას გაეროს მოდელირების კონფერენციებში "Change the World Model United Nations" ნიუ-იორკსა და რომში. ჩვენი მოსწავლეები მუშაობენ ისეთ გლობალურ პრობლემებზე, როგორიცაა: გლობალური დათბობა, საკვები პროდუქტების უსაფრთხოება, სასმელი წყლის დეფიციტი, ბირთვული უსაფრთხოება და სხვა. გაეროს მოდელირებული კონფერენცია 2016 წლიდან ტარდება და მასში ყოველწლიურად 10 000-ზე მეტი მოსწავლე იღებს მონაწილეობას მსოფლიოს სხვადასხვა ქვეყნიდან. პროექტის მიზანია, ახალგაზრდებმა იგრძნონ თავი საზოგადოების სრულფასოვან წევრებად, გაითავისონ პასუხისმგებლობა ისეთ გლობალურ საკითხებზე, რაც მნიშვნელოვან გავლენას ახდენს ჩვენს პლანეტაზე და რომ ჩამოყალიბდნენ მომავლის ლიდერებად.
პროგრამის საშუალებით მოსწავლეები:
- ეცნობიან გაერთიანებული ერების ორგანიზაციის მუშაობის მეთოდებს, პრინციპებსა და პროცესს;
- იუმჯობესებენ დებატების, მოლაპარაკებისა და საჯარო გამოსვლის უნარებს;
- წარმოაჩენენ საკუთარ თავს და ქვეყანას;
- იცნობენ გაეროს წევრი სახელმწიფოების ახალგაზრდა ლიდერებს;
- იძენენ მეგობრები მთელი მსოფლიოდან;
- იღებენ საერთაშორისო სერტიფიკატი;
- ეცნობიან რომისა და ნიუ-იორკის ღირსშესანიშნავ ადგილებს.
ბრაიტონის სკოლის საზაფხულო პროგრამა - ბრიტანეთში სწავლის, ცხოვრების, ინგლისური ენის პრაქტიკისა და ახალი გამოცდილების უნიკალური შანსია ჩვენი მოსწავლეებისთვის. დიდ ბრიტანეთში მყოფი პროგრესელები
საზაფხულო პროგრამის კურსს გადიან. სწავლის პარალელურად კი ადგილობრივ კულტურასა და ღირსშესანიშნაობებს ეცნობიან.
პროგრამის უპირატესობებია:
- სწავლა ბრიტანეთის საბჭოს მიერ აკრედიტირებულ, ერთ-ერთ წამყვან ენების სკოლაში
- ინგლისის გამორჩეული ღირშესანიშნაობების დათვალიერება.
- ცხოვრება ადგილობრივ ოჯახში, რაც ინგლისური ენის პრაქტიკის კარგი შანსია.
პროგრამაში მონაწილეობა შეუძლია როგორც პროგრესის, ასევე, სხვა სკოლების მოსწავლეებს