სიახლეები

HR პროფესიონალთა ასოციაციამ, HRPA • Georgia - მ  ჩაატარა სამუშაო შეხვედრა ახალგაზრდებთან, რომელიც შეეხო კარიერული  კონსულტირების პლატფორმის საკომუნიკაციო მასალების შექმნას. 

შეხვედრაში მონაწილეობა მიიღეს ჩვენი სკოლის დამამთავრებელი კლასის მოსწავლეებმა, რომლებიც ჩაერთნენ პლატფორმის მარკეტინგული მასალების შერჩევაში (ლოგოები, ფერები და ა.შ.). 

პლატფორმა, რომელიც ამ ეტაპზე მზადების პროცესშია, მიზნად ისახავს  კარიერული კონსულტანტების ჩართვას საგანმანათლებლო სისტემაში, რაც დაეხმარება აბიტურიენტებსა და ახალხაზრდებს აირჩიონ მათი უნარ-ჩვევებისა და ინტერესების შესაბამისი სამომავლო პროფესია. 

კარიერული კონსულტაცია ხელს უწყობს ადამიანის ინტერესების, ღირებულებებისა და შესაძლებლობების აღმოჩენას და მათი კარიერული გზის განვითარებას.

მადლობა HR პროფესიონალთა ასოციაციას საინტერესო შეხვედრისა და მხარდაჭერისთვის!