სიახლეები

Diamond Challenge-ის საქართველოს ფინალში პროგრესის სამი გუნდი გავიდა, რომელთაგან გუნდმა “Bees”-მა პირველი ადგილი მოიპოვა!

ეს გამარჯვება გუნდს აძლევს შესაძლებლობას, ამერიკის შეერთებულ შტატებში გაემგზავროს და მსოფლიო ნახევარფინალსა და ფინალში იასპარეზოს.

გაიცანით გამარჯვებული გუნდის წევრები:

• ლაზარე ჩაჩუა.
• ეთუნა ვეკუა.
• ლიზა აბაშიძე.
• კესო ფეიქრიშვილი.

გუნდმა გამარჯვება მოიპოვა პროექტით - Bee Venom Extraction Process Management and Control System, რომელიც ფოკუსირებულია ფუტკრის შხამის მოპოვების პროცესის ეფექტიან მართვასა და კონტროლზე და აერთიანებს ინოვაციასა და სოციალურ პასუხისმგებლობას. 

მსოფლიო ნახევარფინალი და ფინალი გაიმართება 23-24 აპრილს, Limitless World Summit-ის ფარგლებში, დელავერის უნივერსიტეტში.

ეს წარმატება პროგრესის სამეწარმეო განათლების მიმართულების მნიშვნელოვანი შედეგია - სივრცის, სადაც იდეები რეალურ პროექტებად იქცევა და მოსწავლეები ცვლილებების ავტორებად ყალიბდებიან.

ჩვენ ვამაყობთ პროგრესელების წარმატებით და ვუსურვებთ მათ ღირსეულ გამოსვლას საერთაშორისო ასპარეზზე და კიდევ ერთ დიდ გამარჯვებას!